Fabrika e Pijeve të Gazuar BIBITA u themelua në vitin 1991 nga Ymer Gruda, kimist i diplomuar.

Në fillimet e ekzistencës së saj, ajo quhej “Ideal G”, pavarësisht se përdorte vetëm një ambient shumë të vogël për linjën e prodhimit të pijeve të gazuara, që mbulonte jo më shumë se 16 m². Pak njerëz mund të besonin se në periudhën në vazhdim, kjo do të kthehej në një biznes privat familjar të madh.

Me kalimin e kohës dhe duke njohur mbështetjen e klientëve tanë, biznesi gradualisht filloi të zhvillohej, si në aspektin e teknologjisë ashtu edhe të burimeve njerëzore. Duke pasur nevojë për përmirësimin e cilësisë dhe kapaciteteve të prodhimit, BIBITA Group ndërtoi një fabrikë shumë moderne në qytetin e Pejës (Perëndimi i Kosovës), që mbulon një sipërfaqe prej 6500 m². Ajo operon me teknologji moderne, e cila garanton prodhim cilësor dhe kënaqësinë e konsumatorit.

Idetë e reja krijuese dhe ambiciet e qarta për të kënaqur kërkesat e klientëve kanë bërë që fabrika e BIBITA Group të nisë një gamë të re prodhimesh në vitin 2007, duke përfshirë pelenat e lagura për foshnja dhe kozmetikën Ultra, një prodhim revolucionar i BIBITA Group, i cili sot është prodhuesi i vetëm në Kosovë. Portofoli ynë ka mbi 110 produkte (SKU).

BIBITA Group ka mbi 60 punonjës. Ata janë të mirëedukuar dhe të kualifikuar në fushat e tyre të veprimtarisë. Ne u ofrojmë punonjësve tanë një set trajnimesh brenda kompanisë. Në këtë mënyrë, synojmë të krijojmë ekipe që mund të punojnë në mënyrë efikase sipas standardeve të larta të kompanisë dhe të përgjigjen si duhet ndaj nevojave të tregut.

BIBITA Group ka krijuar një rrjet të fortë dhe të mirë-organizuar të shitjes dhe shpërndarjes në më shumë se 40 vende, në tre kontinente. Ne përpiqemi çdo ditë të përmirësojmë imazhin e produkteve tona, duke qenë më afër konsumatorëve tanë dhe duke ofruar më të mirën.