ABI SHPK, e themeluar në vitin 1963, ka një histori të pasur dhe përkushtim të vazhdueshëm, duke udhëhequr me sukses 13 kompani të tjera nën ombrellën e saj.

Si vazhdimësi e traditës tregtare të familjes FUSHA, kur Prizreni ende nuk kishte dyqane private, u hap dyqani i parë për shitjen e pemëve dhe perimeve. Ky hap i rëndësishëm për zhvillimin e tregtisë në rajon shënoi fillimin e një tradite të gjatë të biznesit familjar FUSHA.

Më 28 Nëntor 1988, në ditët e para të hapjes së tregut të lirë në ish-Jugosllavinë socialiste, vëllezërit Adnan, Irfan dhe Bari Fusha themelojnë Ndërmarrjen Prodhuese Tregtare “ABI”. Ky ishte një hap thelbësor në krijimin e supermarketit të parë në regjionin e Prizrenit dhe shënoi fillimin e një kapitulli të ri në sektorin e shitjes me pakicë.

Krahas hapjes së supermarketit, “ABI” zhvilloi edhe tregtinë me shumicë me hapjen e depos së parë për shitjen e artikujve ushqimorë.

Në fund të vitit 2014, “ABI” hapi “Furrën ABI”, e cila filloi të furnizojë supermarketet “ABI Center” dhe “ABI Plus” me produkte të cilësisë superiore të bukës dhe brumërave. Në korrik të vitit 2016, u hap edhe Supermarketi “ABI Store” në Prizren, që përfshin një supermarket dhe restorant me një kënd për lojra për fëmijë. Ky kompleks është bërë një destinacion i rëndësishëm për blerje dhe gastronomi në qytet.

Në fillim të vitit 2018, pas dy vitesh përpjekjesh, u hap “ABI Çarshia”, qendra më e madhe tregtare në ambient të hapur në Kosovë dhe rajon.

Në vitin 2019, “ABI” zgjeroi aktivitetet e saj me hapjen e “ABIGreen Hotel” në Prevallë, një lokalitet në zemër të Parkut Kombëtar të Maleve të Sharrit. Ky hotel ofron një ambient të pasur me klimë të ndryshme që ndihmojnë në përmirësimin e shëndetit dhe një gamë të gjerë aktivitetesh, përfshirë sauna, dhomë me avull, xhakuzi, palestër, kinema dhe kënd për fëmijë.

Në vitin 2022, pas rrënimit të “Hotel ABI” në Prizren, filloi ndërtimi i kompleksit unik afaristo-banesor “ABI Platinum Residence”, që përfshin 6 ndërtesa banimi dhe 554 banesa luksoze me sisteme eko-miqësore dhe dizajn modern.