E themeluar në shkurt të vitit 2014, Agro-Florentina shpk është një kompani në rritje dhe dinamike që mbledh dhe përpunon kërpudha, fruta të egra pyjore dhe bimë aromatike, të cilat i eksporton në tregun ndërkombëtar, përfshirë edhe atë të BE-së.

Si pasardhëse e kompanisë “Pranvera”, aktiviteti i biznesit me kërpudha, fruta të egra pyjore dhe bimë aromatike ka filluar në vitin 2001.

Biznesi ynë ndodhet në Polac, afër Skenderajt në Kosovë, ku magazina jonë mbledh, ruan dhe përpunon kërpudhat e egra, produktet pyjore dhe bimët aromatike.

Kompania ka një infrastrukturë të mirë për të zhvilluar dhe menaxhuar aktivitetet aktuale; ajo zotëron një magazinë që përfshin dy objekte me nga 600 metra katrorë dhe zyra. Ka makineri moderne për tharjen dhe përpunimin e kërpudhave të egra dhe bimëve aromatike. Gjithashtu, kompania ka dhoma ngrirjeje me kapacitet 360 metra kub për ngrirjen dhe ruajtjen e produkteve. Po ashtu, ajo zotëron makineri moderne për përpunimin e produkteve, përfshirë makineritë për prerje dhe klasifikim.

Për shkak se natyra e biznesit varet nga sezoni, Agro-Florentina ka 8 punonjës të rregullt, ndërsa gjatë sezonit punëson drejtpërdrejt deri në 40 punonjës, ku 90% e tyre janë gra, të cilat janë kryesisht furnizuese financiare të familjes dhe janë të përfshira në seksionin e përpunimit të produkteve. Nga ana tjetër, kompania punëson indirekt rreth 400 banorë fshatrash nga 52 fshatra të komunës së Skenderajt dhe ka organizuar rreth 20 Qendra për Mbledhjen e kërpudhave të egra dhe bimëve aromatike.